Thomas og Marylu Goutierre vissu að það væri eitthvað á seyði þegar þau lögðu eyrun við vegginn og heyrðu suð. Þau töldu suðið vera of mikið til að geta átt uppruna sinn í einhverju heimilistækinu og þau höfðu rétt fyrir sér þar. Suðið kom frá þúsundum býflugna.
Um sex þúsund býflugur voru fjarlægðar nýlega úr veggjum 100 ára húss hjónanna í Omaha-fylki, samkvæmt AP. Parið sagði Omaha World-Herald að þau höfðu verið að gróðursetja blóm fyrir býflugur í garðinum sínum en að þau hefðu aldrei búist við því að þær flyttu inn. Býflugurnar hafa líklega komist inn um holu í múrverkinu.
Hjónin tóku eftir því að margar býflugur flögruðu um fyrir utan eldhúsgluggann og fundu einnig um 30 býflugur í svefnherbergi á efri hæðinni. „Ef maður lagði eyrun við vegginn gat maður heyrt suðið,“ sagði Thomas Gouttierre, sem er vann hjá Háskólanum í Nebraska í Omaha en er farinn á eftirlaun. Hann sagði það fyrsta sem þeim datt í hug hafa verið að hringja í meindýraeyði en að þau hafi verið að lesa um mikilvægi býflugna fyrir umhverfið.
Hjónin höfðu samband við tvo félaga í Býflugnafélagi Omaha sem fjarlægði býflugurnar með öruggum hætti. Einn félaganna skar holu í vegg heimilisins og saug býflugurnar í kassa til að flytja þær. Þrjú stór bú fundust inni í veggnum. Hjónin sögðust hafa náð að smakka hunangið áður en það var fjarlægt.
