Bandaríska leyniþjónustan CIA hefur komist að þeirri niðurstöðu að Jamal Kashoggi, sádiarabískur blaðamaður og rithöfundur sem bjó í Bandaríkjunum, hafi verið myrtur og lík hans sundurhlutað að skipun Mohammed bin Salman, krónprins í Sádi-Arabíu í október 2018. Morðið átti sér staði á ræðismannsskrifstofu Sádi-Arabíu í Istanbúl. Þessu neita Sádíarabar.

Nú hafa borgaryfirvöld í Washington DC gert Sádi-Aröbum grikk því borgarstjórn samþykkti einróma að breyta nafni götunnar sem sendiráð Sádí-Arabíu stendur við. Gatan heitur nú Jamal Kashoggi Way.

Sky News hefur eftir Sarah Leah Whitson, framkvæmdastjóra DAWN samtakanna, sem berjast fyrir lýðræði í Arabaheiminum, sem Kashoggi stofnaði, að með þessu verði þeir sem fela sig bak við sendiráðsdyrnar minntir á að þeir verði dregnir til ábyrgðar fyrir morðið.