fbpx
Mánudagur 20.október 2025
Pressan

Enn ein krísan lúrir úti við sjóndeildarhringinn – „Þetta getur orðið mjög, mjög slæmt“

Kristján Kristjánsson
Fimmtudaginn 12. maí 2022 05:55

Úkraína er meðal stærstu kornframleiðenda heims.

Ekki missa af Helstu tíðindum dagsins í pósthólfið þitt

Lesa nánar

Það hefur væntanlega ekki farið framhjá mörgum að matvælaverð hefur hækkað ansi mikið að undanförnu. Ástæðurnar eru margvíslegar en meðal annars kemur stríðið í Úkraínu við sögu og áhrifa heimsfaraldursins gætir einnig, til dæmis vegna erfiðleika í flutningum um allan heim. En enn ein krísan lúrir úti við sjóndeildarhringinn og gæti orðið til þess að matvælaverð hækki enn frekar.

Þetta eru þurrkar en þeir geta haft mikil áhrif á matvælaverð því uppskeran verður ekki eins góð og ella. Í umfjöllun Børsen um málið er haft eftir Anders Mortensen, hrávörugreinanda hjá Agrocura, að nú sé óvenjulega þurrt í Evrópu, Bandaríkjunum og á nokkrum svæðum í Kanada. Allt eru þetta svæði þar sem mikil ræktun landbúnaðarafurða fer fram og skiptir sú framleiðsla miklu máli á hrávörumörkuðum heimsins.

Mortensen sagði að stríðið í Úkraínu hafi haft neikvæð áhrif á hrávörumarkaði og ef þurrkar bætist þar við geti það haft alvarlegar afleiðingar og valdið enn frekari verðhækkunum. „Þetta getur orðið mjög, mjög slæmt,“ sagði hann.

Til dæmis hefur verið mjög þurrt í Frakklandi síðustu mánuði en landið stendur undir þriðjungi af hveitiframleiðslu Evrópu. Ef ekki fer að rigna á næstunni er hætt við að uppskeran verði mun minni en ella. Mortensen sagði að enn geti uppskeran bjargast vegna þess að meðalhitinn í álfunni hafi verið frekar í lægri kantinum það sem af er ári. En til að uppskeran bjargist þarf að rigna mikið á næstu 14 dögum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Einhverfur drengur lærði að tala eftir að hann fékk lyf fyrir krabbameinssjúka – Reyndist hafa ýmislegt að segja

Einhverfur drengur lærði að tala eftir að hann fékk lyf fyrir krabbameinssjúka – Reyndist hafa ýmislegt að segja
Pressan
Fyrir 2 dögum

Reiðilestur uppgjafahermanns vekur athygli – „Ég vissi alltaf að það yrðu fjandans dekurdýrin sem myndu fella þjóð okkar“

Reiðilestur uppgjafahermanns vekur athygli – „Ég vissi alltaf að það yrðu fjandans dekurdýrin sem myndu fella þjóð okkar“
Pressan
Fyrir 3 dögum

Lögregla búin að gefast upp og hættir leitinni að Gus litla

Lögregla búin að gefast upp og hættir leitinni að Gus litla
Pressan
Fyrir 3 dögum

Ríkisstjóri vann 170 milljónir í spilavíti í Las Vegas – „Ég var ótrúlega heppinn“

Ríkisstjóri vann 170 milljónir í spilavíti í Las Vegas – „Ég var ótrúlega heppinn“
Pressan
Fyrir 5 dögum

Mæðgur dóu eftir að hafa borðað afmælistertu – Lögregla vill handtaka manninn sem afhenti tertuna

Mæðgur dóu eftir að hafa borðað afmælistertu – Lögregla vill handtaka manninn sem afhenti tertuna
Pressan
Fyrir 5 dögum

Tekinn af lífi eftir 20 ár á dauðadeild – Hélt fram sakleysi sínu allt til síðasta dags

Tekinn af lífi eftir 20 ár á dauðadeild – Hélt fram sakleysi sínu allt til síðasta dags