Söngkonan Svala Björgvinsdóttir birtir skjáskot af ljótum skilaboðum sem hún fékk frá karlmanni sem fann sig knúinn til að láta hana vita hver skoðun hans er á henni.

Maðurinn sagði Svölu vera „skíta konu/kærustu“ og sakaði hana um að styðja ekki við bak kærsta hennar, Kristjáns Einars Sigurbjörnssonar.

Kristján Einar, eða Kleini eins og hann er kallaður, var handtekinn á Spáni í mars. Hann hefur verið í gæsluvarðhaldi síðan þá, og gæti verið þar í allt að tvö ár. Rétt er að taka það fram að Svala hefur hvorki tjáð sig um málið né hvort hún og Kristján séu enn saman.

Sjá einnig: Kristján Einar er áhrifavaldurinn sem handtekinn var á Spáni

Maðurinn kallaði hana meðal annars „aumingja,“ „looser“ og „ógeðis kærustu.“

Svala skilar skömminni og opinberar skilaboðin. „Ofsalega á fólk bágt,“ skrifar hún með.