Cliona O‘Farrelly, prófessor í ónæmisfræði og lífefnafræði við Trinity College í Dublin, sló því nýlega föstu í útvarpsþættinum „Claire Byrne Live“ að aðallega séu fjórar ástæður fyrir að sumir hafa sloppið við að smitast af hinni bráðsmitandi kórónuveiru.
Hún sagði að fyrst og fremst sé um það að ræða að viðkomandi hafi einfaldlega farið mjög varlega og þannig náð að forðast smit eða einfaldlega bara verið heppin(n).
Þess utan getur verið að sumir séu bara með svo ótrúlega gott ónæmiskerfi eða búi við svo gott félagslegt hagkerfi að þeir hafi sloppið við smit.
En hún sagði einnig geti verið að sumir séu með meðfætt ónæmisviðbragð sem geri að verkum að viðkomandi séu ónæmir fyrir kórónuveirunni. Vísindamenn eru einmitt að rannsaka þetta þessa dagana.
Hún sagðist telja þessi fjögur atriði skipta mjög miklu máli, það er að segja það að búa við gott félagslegt hagkerfi, almennt heilsufar, hvernig fólk hegðar sér og þetta meðfædda ónæmi.
O‘Farrelly og fleiri vísindamenn við Trinity College rannsökuðu lifrarbólgu C og komust að því að sumir þátttakendur í rannsókn þeirra voru með meðfætt ónæmi fyrir sjúkdómnum. Þetta „ónæmi“ gerði árás um leið og lifrarbólguveiran reyndi að sýkja líkamann. Telur hópurinn að sumt fólk sé með samskonar ónæmi fyrir kórónuveirunni. Til að rannsaka þessa kenningu er hópurinn nú að rannsaka fólk frá 40 löndum. Allt hefur þetta fólk verið í nánum samskiptum við kórónusmitað fólk en smitaðist ekki sjálft.
