Í húsinu eru meðal annars sex svefnherbergi, sex baðherbergi, innbyggt grill og sundlaug. ABC News skýrir frá þessu og hefur eftir Don Mihalek, fyrrum starfsmanni Secret Service, að þegar einhver njóti verndar Secret Service þá þurfi venjulega að finna hús nærri heimili viðkomandi og leigja það á markaðsverði. Húsið er ætlað þeim sem sinna gæslunni hverju sinni.
Hunter Biden býr í Malibu, nærri Los Angeles, sem er auðmannshverfi og húsaleigan því ekki í lægri kantinum. Hann greiðir sjálfur „aðeins“ sem nemur um 2,6 milljónum íslenskra króna í leigu fyrir húsið sitt.
Samkvæmt bandarískum lögum eiga forseti landsins og nánasta fjölskylda hans rétt á að njóta verndar Secret Service.
Öðru hvoru rata fréttir af kostnaðinum við þessa gæslu í fréttir og blöskrar mörgum hversu mikið hún kostar. Á fyrsta ári Donald Trump í Hvíta húsinu þurfti Secret Service að biðja um aukafjárframlög upp á sem nemur tæpum 8 milljörðum íslenskra króna til að geta staðið undir kostnaði við öryggisgæslu forsetans og fjölskyldu hans. Tæplega helmingurinn af peningunum fór í gæslu við Trump Tower í New York.
