Einungis 7 mínútur höfðu liðið af Grammys-verðlaunahátíðinni áður en gert var grín að löðrungi Will Smith á Óskarsverðlaunahátíðinni. Trevor Noah, kynnirinn á hátíðinni, var sá sem braut ísinn en það gerði hann undir lokin á ræðunni sem hann hélt í upphafi hátíðarinnar.

„Ekki hugsa um þetta sem verðlaunahátíð, þetta eru tónleikar þar sem við gefum út verðlaun. Við erum að fara að hlusta á smá tónlist, við erum að fara að dansa, við erum að fara að syngja og við erum að fara að halda nöfnum fólks úr munnunum á okkur,“ sagði Noah og vísaði þar með í það sem Smith sagði eftir að hann hafði slegið Chris Rock á Óskarsverðlaunahátíðinni.

Noah var þó ekki sá eini sem vísaði í löðrunginn þetta kvöldið. Trommarinn Questlove gerði það einnig þegar hann var að fara að tilkynn ahver myndi hljóta verðlaun fyrir lag ársins. Questlove var sá sem vann verðlaunin sem Chris Rock veitti rétt eftir að Smith sló hann. „Okei, ég er að fara að kynna þessi verðlaun og ég treysti því að þið haldið ykkur í 500 feta fjarlægð frá mér,“ sagði trommarinn á Grammys-verðlaunahátínni í nótt.