Rúmlega 2.000 manns hafa á einni viku nýtt sér aðgang að 360 gráða sýndarveruleikaútgáfu af ljósmyndasýningu Sigurjón Sighvatssonar sem hefur hangið uppi í raunheimum við Hafnartorg í miðbæ Reykjavíkur frá opnun þann 12 desember.

„Viðbrögðin hafa glatt okkur Rollin Hunt mikið. Hann bjó til þessa leið að sýningunni sem á auðvitað sérstaklega vel við á tímum þar sem takmörk eru á því hversu margir mega koma saman,“ segir Sigurjón. „Fólk getur skoðað sýninguna í símanum eða tölvunni nákvæmlega eins og hún lítur út í rýminu við Hafnartorg. Farið mynd frá mynd og milli sala.“

Að sögn Sigurjóns hafa um eitt þúsund gestir skoðað sýninguna með berum augum frá því að hún var opnun en þetta er síðasta sýningarhelgi hennar. Þetta er yfirlitssýningu á 40 ljósmyndaverkum sem hann hefur unnið með fjölbreyttri tækni á undanförnum áratugum. Verkin eru flest hluti af stærri myndröðum sem hafa orðið til á löngum tíma.

Undanfarin 35 ár hefur aðalstarf Sigurjóns verið kvikmyndaframleiðandi auk þess sem hann hefur stofnað og stjórnað fjölda fyrirtækja, flestum tengd kvikmyndageiranum, en Sigurjón hefur um árabil líka tengst listum í margvíslegu formi. Einn angi þess hefur verið ljósmyndum og vinnsla á ljósmyndaverkum.

Þetta er í fyrsta sinn sem hann sýnir þau verk sín opinberlega.