Alexandra Briem, forseti borgarstjórnar, segir óskiljanlegt hvernig Ásmundi Friðrikssyni, þingmanni Sjálfstæðisflokks, hafi tekist að aka fyrir 34 milljónir frá árinu 2013. Efast hún um að þetta hafi verið mögulegt án þess að þingmaðurinn hafi líka verið að fá aksturskostnað vegna aksturs sem ekki tengist störfum hans á þingi.

Hún furðar sig á þessu á Facebook þar sem hún deilir frétt Kjarnans um aksturskostnað þingmannsins.

„Þetta er svakalegt. 34 milljónir króna frá árinu 2013?

Ég skil alveg að maður í dreifðu kjördæmi þurfi að keyra svolítið til að hitta fólk og svona, en þetta er fáránlegt.

Ég efast um að minn ferðakostnaður frá fæðingu nái upp í þessa upphæð, jafnvel þó ferðalög erlendis væru talin með.

Ég bara einfaldlega trúi því ekki að þetta sé satt. Og sérstaklega ekki að það geti verið að þetta sé allt ferðakostnaður vegna þingmennsku, en ekki vegna prófkjöra eða persónulegra erindagjörða.“

Í frétt Kjarnans kemur fram að sá þingmaður sem mest keyrir á kostnað Alþingis er Ásmundur, en hann hafi fengið samanlagt um 34 milljónir krónur greiddar í aksturskostnað frá því að hann tók fyrst sæti á þingi árið 2013.

Á síðasta ári hafi hann ekið fyrir 2,6 milljónir sem nemi um 216 þúsund krónum á ári. Þetta hafi verið þriðja árið í röð þar sem Ásmundur fékk ekkert endurgreitt vegna notkunar á eigin bíl, heldur notaðist hann við bílaleigubíla á ferðalögum sínum líkt og Alþingi hefur óskað eftir að þingmenn geri.

Ásmundur teki þannit til sín um 10 prósent af öllum endurgreiðslum þingsins á aksturskostnaði en næstur maður á eftir honum er Haraldur Benediktsson sem keyrði fyrir 1,9 milljón krónur á síðasta ári.

Suðurkjördæmið er kjördæmi Ásmundar og því mæti að einhverju leyti útskýra kostnaðinn með vísan til þess að Ásmundur þurfi að sinna kjördæmi sínu.

Hann er þó ekki eini þingmaður landsbyggðarinnar. Til samanburðar má nefna að Bjarkey Olsen Gunnarsdóttir, þingmaður Vinstri Grænna í Norðausturkjördæmi, ók fyrir tæpar 1,7 milljónir í fyrra og Vilhjálmur Árnason, þingmaður Sjálfstæðisflokks í Suðurkjördæmi, ók fyrir rétt rúmar 1,7 milljónir í fyrra á eigin bíl.