Desmond Tutu, erkibiskup ensku biskupakirkjunnar í Höfðaborg, er látinn. Hann var níræður að aldri. Tutu var ötull talsmaður fyrir réttindum svartra og barðist gegn aðskilnaðarstefnunni í Suður Afríku á 7., 8. og 9. áratugum síðustu aldar. Hann hlaut friðarverðlaun Nóbels fyrir þau störf sín árið 1984 og eftir að Nelson Mandela settist í forsetastól í landinu árið 1994 leiddi Mandela störf sannleiksnefndarinnar svokölluðu. Störf sannleiksnefndarinnar hefur síðan verið notuð sem viðmið og leiðarljós í uppgjöri milli þjóðarbrota og ættbálka sem háð hafa stríð og styrjaldir, svo sem í Rwanda og á Balkansskaganum.
Fjölmargir minnast Tutu í dag og eru þar á meðal fremstu fræðgar- og fyrirmenni heims. Piers Morgan dregur þannig fram ummæli Tutu: „Ef þú vilt frið þá talar þú ekki við vini þína, heldur talar við óvini þína.“ Boris Johnson, forsætisráðherra Bretlands, segist sorgmætur yfir fréttum af andláti Tutu og minnist hans sem baráttumanns fyrir því góða í heiminum.
Desmond Tutu ferðaðist á sínum seinni árum víða um heim og predikaði friðarboðskap sinn. Hann náði þó aldrei til Íslands, svo vitað sé, en segja má að Ísland hafi náð til hans. Árið 1985 veitti erkibiskupinn Hannesi Heimissyni, þá blaðamanni DV, einkaviðtal sem birtist á forsíðu blaðsins 29. nóvember árið 1985.
Í viðtali Hannesar við Tutu erkibiskup segir hann land sitt á barmi borgarastyrjaldar. „Hinn blakki meirihluti hér í landi er orðinn langþreyttur á kúgun hins hvíta minnihluta. Það er staðreynd og árangurslaust fyrir ríkisstjórn P.W. Botha að neita því,“ hafði DV eftir Desmond Tutu í viðtalinu. Þegar viðtalið er tekið er Nelson Mandela aðeins ný laus úr fangelsi á Robben eyju þar sem hann hafði dvalið um langa hríð.
