Áður en heimsfaraldurinn skall á kipptu flestir sér ekki upp við að fá höfuðverk og smá hornös og hristu það bara af sér og töldu að um venjulegt kvef og tilheyrandi óþægindi væri að ræða. En hvernig er hægt að greina á milli kvefs og kórónuveirusmits þessa dagana? Sérstaklega í ljósi tilkomu Ómíkron sem er enn meira smitandi en önnur afbrigði veirunnar.

Einfalda svarið er: Það er ekki hægt! Ástæðan er að hefðbundin einkenni kvefs og flensu eru höfuðverkur, hálsbólga og nefrennsli. Þetta eru einmitt ein helstu einkenni COVID-19.

Tim Spector, prófessor, sagði í samtali við BBC að „meirihluti einkenna“ smits af völdum Ómíkron séu eins og fylgja venjulegri kvefpest, þar á meðal höfuðverkur, hálsbólga, nefrennsli, þreyta og hnerri.