Leikur Watford og Chelsea í ensku úrvalsdeildinni hófst klukkan 19:30. Leikurinn var stöðvaður eftir rúmar 10 mínútur vegna alvarlegs atviks sem átti sér stað í stúkunni. Ekki er enn vitað hvað átti sér stað en enskir miðlar segja að stuðningsmaður hafi hnigið niður og grunur er um hjartastopp en það sást til bráðaliða veita skyndihjálp.
Leikmenn beggja liða voru skelkaðir og voru sendir inn í búningsklefa. Enn er ekki vitað hvenær leikurinn fer aftur af stað.
Stutt er síðan svipað atvik átti sér stað en það var í leik Newvastle og Tottenham fyrr á tímabilinu.
Play is paused here at Vicarage Road owing to a medical emergency in the crowd.
[13']
— Chelsea FC (@ChelseaFC) December 1, 2021