Tómas Tómasson slær ekki slöku við þó hann sé orðinn 72ja ára gamall enda nýkjörinn á þing fyrir Flokk fólksins. Tómas, sem yfirleitt er einfaldlega kallaður Tommi, rak lengi vel Tommaborgara sem var vinsælasta skyndibitakeðja landsins, en rekur nú Hamborgarabúllu Tómasar.

Þing hefur enn ekki verið sett því greiða þarf úr smá veseni í Norðvesturkjördæmi. Tommi er þó þegar búinn að fara á sérstakt námskeið fyrir nýkjörna þingmenn.

Það er greinilega stutt í húmorinn hjá Tomma því hann birti mynd á Twitter í gær frá góðgerðardegi Hagaskóla þar sem hann kynnir til leiks hana Huldu, sem væntanlega er hagaskólanemi, sem breytti honum í krúttlegan kött.

Nú er i gangi í hagaskóla “gott mál” til styrktar Bergið og munaðarleysingja skóla i kenýa. Þetta er Hulda sem breytti mér í kött svo er líka allskonar í boði matuur og gamlir hlutir og fullt af skemmtilegu að ógleymdu draugahúsinu pic.twitter.com/24yffmNCgM

— Tómas A Tómasson (@a_tomasson) October 20, 2021

Í dag sást hann síðan í ræktinni með tveimur fyrrverandi þingmönnum, þeim Páli Magnússyni og Brynjari Níelssyni, en Tommi er iðinn við kolann í líkamsræktinni. Það verður greinilega skemmtilegt að fylgjast með honum á samfélagsmiðlum á komandi þingi.