Kona, sem er grunuð um nytjastuld á bifreið, var vistuð í fangageymslu lögreglunnar á höfuðborgarsvæðinu í nótt. Hún var eitthvað ósátt við afskipti lögreglunnar og hrækti á lögreglumann.

Tilkynnt var um þjófnað á rafmagnshlaupahjóli í Vesturbænum. Lögreglan hefur vísbendingar um hver stal hjólinu.

Einn var handtekinn og vistaður í fangageymslu eftir ítrekað áreiti og ónæði á tjaldsvæði. Ekki var unnt að ræða við manninn sökum þess hversu annarlegu ástandi hann var í.

Reiðhjólamaður hjólaði á kyrrstæða bifreið í vesturhluta borgarinnar í gær. Minniháttar eignatjón hlaust af.

Fimm ökumenn voru handteknir á höfuðborgarsvæðinu í gærkvöldi og nótt grunaðir um að vera undir áhrifum áfengis og/eða fíkniefna.

Tvennt var handtekið grunað um húsbrot og voru vistuð í fangageymslu.