fbpx
Laugardagur 27.apríl 2024
Pressan

Eftirlýst – Skilaði ekki VHS-spólu 1999

Kristján Kristjánsson
Þriðjudaginn 27. apríl 2021 21:00

Muna ekki allir eftir VHS spólunum? Mynd:Getty

Ekki missa af Helstu tíðindum dagsins í pósthólfið þitt

Lesa nánar

Árið 1999 leigði Caron McBride, sem býr í Bandaríkjunum, VHS-spóluna „Sabrina the Teenage Witch“ og gleymdi síðan að skila henni. Þetta kom henni í koll 22 árum síðar.

Hún var eftirlýst vegna málsins, sökuð um fjárdrátt, og gat ekki breytt nafninu á ökuskírteini sínu vegna þessa.

Local21 skýrir frá þessu. Fram kemur að hún hafi gifst manni frá Texas og hafi flutt þangað frá Oklahoma. Hún ætlaði að breyta eftirnafninu á ökuskírteini sínu þegar hún tók eftirnafnið hans upp. Vegna heimsfaraldursins varð hún að panta tíma til að geta gert það og sendi hún því tölvupóst og ætlaði að panta tíma. Hún fékk fljótlega svar þar sem kom fram að hún gæti ekki breytt nafninu vegna „vanda í Oklahoma“. Með fylgdi símanúmer sem hún gat hringt í en það var hjá saksóknara í Cleveland County sem var með mál hennar á sinni könnu. Hún hringdi og ræddi við konu þar og fékk útskýringu á málavöxtum.

„Hún sagði mér að þetta snerist um VHS-spóluna og ég neyddist til að biðja hana um að endurtaka þetta því mér fannst þetta klikkað. Hún hlaut að vera að gera at í mér? En það var hún ekki að gera,“ sagði McBride.

Það sem gerir málið enn verra í hennar augum er að það var ekki einu sinni hún sem leigði myndina og hún hefur ekki séð hana. „Ég bjó með ungum manni á þessum tíma fyrir rúmlega 20 árum. Hann átti tvö börn. Dætur, 8 og 10 eða 11 ára, og ég held að hann hafi leigt myndina fyrir þær og gleymt að skila henni. Ég hef aldrei séð þessa þætti, þeir eru ekki eitthvað fyrir mig,“ sagði hún og bætti við: „En ég er eftirlýstur glæpamaður vegna þessa.“

Fréttamaður Local21 setti sig í samband við saksóknarann sem var með málið til meðferðar. Hann sagðist hafa ákveðið að fella málið niður eftir að hafa farið yfir það. Caron McBride er því ekki lengur eftirlýst.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 3 dögum

Harmleikur í Svíþjóð – Tvö börn fundust látin

Harmleikur í Svíþjóð – Tvö börn fundust látin
Pressan
Fyrir 3 dögum

Tæplega helmingur kínverskra stórborga er að sökkva

Tæplega helmingur kínverskra stórborga er að sökkva
Pressan
Fyrir 3 dögum

Sýknaður af ákæru um ölvunarakstur – Þjáist af „bruggsjúkdómi“

Sýknaður af ákæru um ölvunarakstur – Þjáist af „bruggsjúkdómi“
Pressan
Fyrir 3 dögum

Sanna sagan á bak við Netflixþættina Baby Reindeer sem hafa slegið í gegn – Hvað varð um Richard og Mörthu og hver er hin raunverulega Martha?

Sanna sagan á bak við Netflixþættina Baby Reindeer sem hafa slegið í gegn – Hvað varð um Richard og Mörthu og hver er hin raunverulega Martha?
Pressan
Fyrir 4 dögum

„Ósigrandi“ stúlknalið fór ósigrað í gegnum tímabilið í „strákadeildinni“

„Ósigrandi“ stúlknalið fór ósigrað í gegnum tímabilið í „strákadeildinni“
Pressan
Fyrir 4 dögum

Airbnb-húsið frá helvíti – Móðir og fjögur börn í stórhættu

Airbnb-húsið frá helvíti – Móðir og fjögur börn í stórhættu