„Ég átta mig eki á því hvernig við fengum ekki vítaspyrnu þarna. Einn daginn munu þeir útskýra reglurnar. Ég skil þær ekki,“ sagði Pep Guardiola stjóri Manchester City um atvik þegar augljóslega var brotið á Phil Foden í kvöld. Manchester City er komið með 14 stiga forskot á toppi ensku úrvalsdeildarinnar eftir að hafa gengið frá Southampton á heimavelli sínum.

Kevin de Bruyne kom heimamönnum yfir snemma leiks en James Ward-Prowse jafnaði fyrir gestina á 25 mínútu. Leikar höfðu þá jafnast en undir lok síðari hálfleik setti City í gírinn, Riyad Mahrez og Ilkay Gundogan hlóðu í sitt markið hvor og staðan 3-1 í hálfleik.

Riyad Mahrez kom svo City í 4-1 á 55 mínútu áður en Che Adams lagaði stöðuna fyrir gestina og staðan 4-2. De Bruyne skoraði svo fimmta og síðasta marki City og tryggði liðinu stigin þrjú.

Atvikið með Foden átti sér stað í fyrri hálfleik en augljóslega var brotið á honum, dómari leiksins sá ekkert en VAR sem á að sjá svona atvik setti ekkert út á málið.

Atvikið má sjá hér að neðan.

Como é que isto não é penalti? pic.twitter.com/7zZNVytx0L

— Tiago Teixeira (@tiagodteixeira) March 10, 2021