Liverpool ætti ekki að hugsa um það að ráða Steven Gerrard til starfa á næstunni, ef Jurgen Klopp stígur til hliðar sem stjóri Liverpool. Þetta er skoðun Mark Lawrenson sem átti frábæran feril hjá Liverpool.

Lawrenson var lengi vel sérfræðingur BBC í enska boltanum en hann telur að Gerrard sem stýrir Rangers í dag sé ekki klár í að stýra Liverpool.

Mikil umræða er í kringum Liverpool og hvort Jurgen Klopp fari að stíga til hliðar, gengi liðsins í ár hefur verið hræðilegt eftir mörg góð ár.

Gerrard gerði Rangers að skoskum meisturum í gær. „Liverpool er allt annað svið en Rangers,“ skrifar Lawrenson um stöðu mála.

„Þetta væri risastórt skref, þetta væri mikil áhætta fyrir eigendur Liverpool að taka. Ég held að stuðningsmenn Liverpool horfi á málið og hugsi að það eigi að taka Stevie G ef Klopp hættir.“

Gerrard átti magnaðan feril sem leikmaður Liverpool. „Ég held að eigendurnir muni horfa á starfið hjá Rangers og það góða starfa en muni hugsa til þess að hann þurfi meiri reynslu hjá öðru félagi í ensku úrvalsdeildinni.“