William Saliba varnarmaður í eigu Arsenal hefur vafalaust átt betri daga en í dag, viðtal við hann í frönskum fjölmiðlum vekur reiði og þá fór fremur subbulegt myndband af honum í dreifingu.
Sama dag og ummælin féllu fór myndband af Saliba og vinum hans í U21 árs landsliði Frakklands í dreifingu, þar er einn þeirra nakinn og er að eiga við sjálfan sig á meðan vinirnir fylgjast með. Saliba tók myndbandið upp sem nú fer eins og eldur um sinu um veraldarvefinn.
Saliba er á láni hjá Nice í Frakklandi en Arsenal sendi hann þangað í janúar, þar hefur hann staðið sig vel. Mikel Arteta treysti ekki Saliba sem er nítján ára gamall.
„Arteta sagði að ég væri ekki klár í slaginn, ég hefði viljað fá fleiri tækifæri til að finna mitt besta form en svona er boltinn. Ég hefði viljað sanna mig,“ sagði Saliba.
„Ég beið lengi eftir tækifærinu, ég æfði aukalega til að sanna mig fyrir stjóra Arsenal. Ég er sáttur hjá Nice.“
Þessi ummæli leikmannsins hafa pirrað marga stuðningsmenn Arsenal sem hafa látið í sér heyra á samfélagsmiðlum.
