Lögreglunni á höfuðborgarsvæðinu var tilkynnt um þrjú umferðaróhöpp síðdegis í gær og gærkvöldi. Engin slys urðu á fólki en fjarlægja varð tvær bifreiðar með dráttarbílum, svo skemmdar voru þær. Einn ökumaður, sem lenti í óhappi, er grunaður um að hafa verið undir áhrifum áfengis og fíkniefna sem og að vera með fíkniefni í fórum sínum.

Á sjötta tímanum í gær var ökumaður handtekinn í miðborginni. Hann er grunaður um að hafa verið undir áhrifum áfengis og fíkniefna. Bifreiðin sem hann ók var með röng skráningarnúmer. Tveir ökumenn til viðbótar voru handteknir í gærkvöldi, grunaðir um að vera undir áhrifum fíkniefna. Annar þeirra er einnig grunaður um að hafa verið með fíkniefni í fórum sínum.

Á gærkvöldi var tilkynnt um skemmdarverk á bifreið í Vesturbænum og á öðrum tímanum í nótt var tilkynnt um innbrot í fyrirtæki í Bústaðahverfi.

Í Kópavogi var tilkynnt um rúðubrot í fyrirtæki seinnipartinn í gær og á áttunda tímanum í gærkvöldi fór úðakerfi í gang í verslunarmiðstöð í bænum. Ekki liggur fyrir hvort og þá hversu mikið tjón varð.