„Ég þoli ekki Bubba Morthens,“ fullyrti Gréta Grétarsdóttir í hópnum Það sem enginn viðurkennir á Facebook. Í þeim hópi hendir fólk fram fullyrðingum sem þau myndu sjaldan eða aldrei greina frá annar staðar.
Bætti Gréta við að Bubbi væri montinn og leiðinlegur. Það eru ekki nýjar fréttir að Bubbi Morthens sé umdeildur. Bubbi hefur verið í þeim sporum frá því að hann kom fyrst fram á sjónarsviðið. Hans verður alltaf minnst sem eins merkasta tónlistarmanns íslenskrar tónlistarsögu. En eins og gengur eru ekki allir sammála slíkum fullyrðum.
Það voru fleiri í hópnum tóku í svipaðan streng og Gréta. Davíð Þór Baldursson sagði að hann hefði í þrjú skipti hitt Bubba og tónlistarmaðurinn var að hans mati góður með sig og með stæla. „Góð tónlist hundleiðinlegur maður.“
Birgir Hrafn tók þátt í að tala illa um Bubba og sagði: „Ég læt stundum eins og Bubbi hafi horfið af sjónarsviðinu árið 1990, eftir að platan Ég er kom út. Með það í huga er hann klárlega ein mesta goðsögn íslenskrar tónlistarsögu.“ Þá sagði Óli Hreiðar Hansson: „Mikið er ég sammála hvorki sem tónlistarmann né manneskju.“
Nafni hans Ólafur Magnússon Oddsson hélt fram að Bubbi hefði hætt að vera góður tónlistarmaður um það leyti sem hann fór í meðferð. Fleiri tjáðu sig á þessum nótum en fjöldinn sem kom Bubba til varnar var þó stærri. „Maður á bara að sýna virðingu fyrir Bubba,“ sagði Daníel Snær og Einar Sigurður bætti við að Bubbi sé og verði alltaf meistari.
Helga Birna Jónasdóttir var ósátt og spurði hvernig fólk gætu fullyrt um mannkosti Bubba þegar það hefði ekki hitt hann.
„Ég hitti hann einu sinni þegar ég var að leitast eftir notuðu hjóli handa dóttur minni. Hann kom á eftir mér út og sagði mér hvert ég gæti farið og spjallaði við mig. Fannst þetta voðalega almennilegt og breytti öllu hvað ég hugsaði um þekkta einstaklinga. Hann er alls ekkert merkilegur með sig og að gefa sér tíma til að tala við mann fannst mér æði.“
„Einn besti textahöfundur landsins,“ sagði Kolbrún Huld og Katla Rún Baldursdóttir sagði fólki að skammast sín og bætti við: „Bubbi er lang bestur!“
Þá bentu meðlimir hópsins á að Bubbi væri einn af þeim. Ekki leið á löngu þar til Bubbi sjálfur ákvað að tjá sig í þræðinum. Bubbi tjáði sig stutt en mjög hnitmiðað. Eftir það má segja að þögn hafi slegið á hópinn. Svar Bubba var einfaldlega þetta:
