Guðni Már Henningsson einn af okkar vinsælustu útvarpsmönnum er skilinn við konu sína. Frá því greinir Eiríkur Jónsson og vitnar í yfirlýsingu Guðna á samskiptamiðlum. Yfirlýsing þessa ástsæla útvarpsmanns hljóðar svo:

„Ég tilkynni það hér og nú að við Maria Ylfa Lebedeva erum skilin. Eftir sex mánuði fer fram lögskilnaður. Uppeldi Steinu Elenu mun skiptast jafnt á milli okkar.“

Guðni leitar því nú að húsnæði og helst á Suðurnesjum. Útvarpsmaðurinn góðkunni hafði sett stefnuna á Spán en mun líklega í ljósi nýjustu vendinga í lífi hans slá því á frest. Guðni segir:

„Ég slæ á frest trúlega flutningi mínum til útlanda, en þó skilst mér að það sé hægt að lifa ágætis lífi á Spáni fyrir þessar ríflegu örorkubætur sem okkur er úthlutað einu sinni í mánuði. Ef einhver veit um íbúð hér eða á Spáni má hinn sami setja sig í samband við mig.“