Gary Neville lýsti leik Liverpool og Manchester City í kvöld en um var að ræða viðureign í úrvalsdeildinni.

Liverpool spilaði alls ekki vel í leiknum og hafði City betur sannfærandi 4-0 á heimavelli.

Eins og flestir vita er Liverpool búið að vinna titilinn og voru leikmenn ekki upp á sitt besta.

Neville skaut létt á varnarmanninn Andy Robertson sem hefur oft spilað betur en í kvöld.

,,Robertson er að spila eins og hann hafi verið fullur í heila viku,“ sagði Neville í settinu.

,,Þú getur misst einbeitinguna. Það er ekkert til að spila fyrir, pressan er ekki lengur þarna.“

,,Að halda áfram að spila í hæsta gæðaflokki er erfitt.“