Streymisveitan Spotify hefur tryggt sér einkaréttinn á væntanlegum hlaðvarpsþætti Raunveruleikastjörnunnar Kim Kardashian. Frá þessu greinir The Wall Street Journal.
Fréttirnar koma í kjölfar þess að streymisveitan keypti réttindin af þáttunum The Joe Rogan Expirence, sem eru einhverjir vinsælustu hlaðvarpsþættir veraldar. Kim er þó ólíkt Joe Rogan, ekki með hlaðvarpsþátt eins og er.
Ekki er vitað upp á hversu mikinn pening samningur Kim og Spotify er, en talan 100 milljónir Bandaríkjadala hefur stungið upp nefinu. Þá er einnig óvisst hvert umræðuefni þáttanna verður, en talið er að hún gæti fjallað allavega að einhverju leiti um málefni fanga, sérstaklega þá sem hlotið hafa dóm fyrir glæpi sem þeir hafa ekki framið.
