„Við vorum kornung þegar ég sá hana og varð skotinn. Svo þegar ég frétti að hún ætlaði að taka þátt í einhverju dansatriði á árshátíð skólans plantaði ég mér í þann hóp þótt ég væri ekki mikill dansari.

Við höfum alltaf verið góðir félagar og á heildina litið verið góðir vinir en líka átt í árekstrum, og við skildum til að mynda í eitt ár. Við vorum ung og höfðum bara gott af því. Það var eitthvað sem varð að gerast.

Ég held að við séum ekkert að fara gifta okkur. Ekki nema það sé eitthvað praktískara upp á erfðamál. Einhvern tímann vorum við trúlofuð en eftir að Hulda sturtaði niður trúlofunarhringnum höfum við ekkert rætt það aftur.“

Myndlistamaðurinn Jón Óskar hefur lifað og hrærst í listinni frá unga aldri. Indíana Ása Hreinsdóttir spjallaði við Jón Óskar um áhrif móður hans, sambandið við Huldu Hákon, átrúnaðargoðið David Bowie, fjölskylduna og listina sem hann skilgreinir sem káf á vegg.