Mikill erill var hjá lögreglunni á höfuðborgarsvæðinu í gærkvöldi og í nótt. Fjöldamargir voru stoppaðir grunaðir um akstur undir áhrifum eða í 11 skipti.
Klukkan 21:15 hafði lögreglan afskipti af ökumanni í hverfi 108 en ökumaðurinn sinnti ekki stöðvunarmerkjum lögreglu og reyndi að komast undan samkvæmt upplýsingum frá lögreglu. Skömmu síðar missti ökumaður bifreiðarinnar stjórn á bifreiðinni og ók framan á tvær bifreiðar. Ökumaðurinn var handtekinn grunaður um akstur undir áhrifum fíkniefna, aka sviptur ökuréttindum, hraðakstur og vera valdur að umferðaróhappi/slysi. Ökumaðurinn var vistaður fyrir rannsókn máls í fangageymslu lögreglu.