Guðni Bergsson formaður KSÍ telur litlar sem engar líkur á því að félög úr ensku úrvalsdeildinni séu á leið til Íslands að æfa og spila. Þetta kemur fram á mbl.is.

Fram kom í Fréttablaðinu að á undanförnum dögum hafi óformlegar þreifingar átt sér stað á milli fulltrúa enskra úrvalsdeildarliða annars vegar og íslenskra stjórnvalda og KSÍ hins vegar um að liðin æfi hér á landi fyrir lokasprett úrvalsdeildarinnar. Einnig hafa spænsk úrvalsdeildarlið sýnt því áhuga að fá að æfa hér á landi.

Englendingar eru að reyna að koma fótboltanum aftur af stað hjá sér en kórónuveiran hefur farið illa með landið.

„Ég veit svo sem ekki hvort ein­hver fé­lög hafi hug á því að koma hingað og æfa. Ég get í raun ekki sagt að það sé í ein­hverri bíg­erð og maður sér ýmsa ann­marka á því. Það velt­ur á mörgu, meðal ann­ars ástandi í viðkom­andi lönd­um og sótt­kvíar­úr­ræðum líka. Það þarf ým­is­legt að ger­ast til þess að þetta verði að veru­leika og eins og staðan er núna þá tel ég það frek­ar ólík­legt að af þessu verði,“ segir Guðni við mbl.is.