Péter Szijjártó, utanríkisráðherra Ungverjalands, sakar utanríkisráðherra norðurlandanna um falsfréttir og hræsni vegna bréfs þeirra til aðalframkvæmdastjóra Evrópuráðsins, en þar lýsa þeir áhyggjum sínum af ótakmörkuðu valdi forsætisráðherra Ungverjalands, Viktors Urban, í kjölfar aukinna valdheimilda hans vegna kórónuveirufaraldursins. Ungverska þingið samþykkti í mars að veita Urban ótímabundið tilskipunarvald og þarf ríkisstjórn hans því ekki samþykki á þinginu fyrir neinum aðgerðum sem grípa á til.

Hefur Szijjártó kallað á sendiherra landanna á sinn fund vegna málsins.

Meðal þeirra sem kallaðir eru á teppið er Þórir Ibsen sendiherra Íslands gagnvart Ungverjalandi.

Ummælin dæmi sig sjálf

RÚV hefur eftir Guðlaugi Þór Þórðarssyni, utanríkisráðherra Íslands, að viðbrögð hans við ummælunum séu engin:

„Þau dæma sig sjálf. Við gerum hins vegar engar athugasemdir við að sendiherrar séu kallaðir á fund, það er alvanalegt. Það er gott fyrir okkur að geta komið skilaboðum okkur áleiðis sem eru skýr. Hvernig sem fundurinn fer fram þá liggur afstaða okkur fyrir og hún mun ekki breytast.“

Þá segir Guðlaugur að halda beri merkjum mannréttinda, lýðræðis og réttarríkis á lofti:

„Það er alltaf nauðsynlegt en kannski sérstaklega núna.“