Vegna samkomubanns getur árleg álfasala SÁÁ ekki farið fram eins og undanfarin 30 ár. Álfasala SÁÁ, sem er stærsta og mikilvægasta fjáröflun SÁÁ verður því með óhefðbundnum hætti að þessu sinni. Álfurinn er mættur á netið í ýmsum útgáfum og vonast SÁÁ að allir geti fundið álf við sitt hæfi og deilt honum með vinum sínum á samfélagsmiðlum.
Í tilkynningu frá samtökunum segir:
„Starfsemi SÁÁ er sérstaklega viðkvæm nú á óvissutímum og búast má við því að vandi skjólstæðinga okkar muni verða alvarlegri í kjölfar COVID-19 heimsfaraldurs. Fréttir eru af aukinni hörku vegna áfengis- og /eða vímuefnaneyslu og auknu heimilisofbeldi þar sem börnin eru því miður varnarlaus fórnarlömb. Efnahagslægðin sem blasir við mun auka enn frekar á þennan vanda og því afleitt ef þjónusta SÁÁ dregst saman vegna rekstrarvanda.“
Álfurinn hefur ávallt fengið frábærar móttökur og vonast samtökin eftir því að ekki farnist rafræna álfinu síður.
Nánari upplýsingar eru á Facebook-síðu samtakanna.
Hér má velja sér uppáhaldsálfinn sinn.
