Crystal Harris, eiginkona Hugh Hefner, mun ekki erfa neina peninga frá eiginmanni sínum. Hefner, sem er stofnandi Playboy, lést í gærkvöldi, 91 árs að aldri.

Hefnar stofnaði Playboy árið 1953 og var það eitt þekktasta tímarit heims um margra ára skeið. Blaðið lét mikið til sín taka í umfjöllun um kynlíf og nekt og var líklegast þekktast hjá mörgum fyrir nektarmyndir sem prýddu þær.
Eftirlifandi eiginkona Hefners er fyrrnefnd Crystal Harris sem er 31 að aldri. Harris, þessi er fyrrverandi fyrirsæta hjá Playboy, en hún giftist Hefner á gamlársdag árið 2012.

Bandaríska slúðurpressan segir að hún hafi skrifað undir kaupmála áður en hún gekk í hjónaband og það hafi falið í sér að hún fengi enga peninga í arf. Talið er að Hefner hafi átt eignir fyrir 43 milljónir Bandaríkjadala. Mun arfurinn að líkindum skiptast á milli þeirra fjögurra barna sem Hefner lætur eftir sig auk þess sem einhver hluti mun renna til góðgerðarsamtaka.

Þó að Harris fái ekki beinharða peninga í arf mun dánarbúið sjá til þess, að sögn breska blaðsins Mirror, að hún muni ekki líða skort eftir fráfall eiginmannsins.