Ed Woodward, stjórnarformaður Manchester United er sagður spenntur fyrir því að fá Harry Kane frá Tottenham til félagsins. Evening Standard segir frá.

Kane ku vilja fara frá Tottenham í sumar ef félaginu mistekst að fara í Meistaradeildina. Woodward ku vilja láta á það reyna, hvort Kane sé til sölu.

Kane er 26 ára gamall og myndi kosta í kringum 100 milljónir punda. Hann er meiddur núna og óvíst er hvenær hann snýr aftur.

Ljóst er að það gæti orðið erfitt fyrir United að sannfæra Daniel Levy, stjórnarformann Spurs um að selja. Levy er harður í horn að taka í samningaviðræðum.

Kane hefur samkvæmt Telegraph áhuga á því að taka nýja áskorun á ferli sínum og horfir til þess að vinna titla.