Breska ríkissjónvarpið BBC ætlar að gera heimildamynd um hina sænsku Gretu Thunberg, sem er 17 ára, og baráttu hennar fyrir aðgerðum í loftslagsmálum. Hún er orðin heimsþekkt vegna baráttu sinnar en hún hefur ferðast um allan heim og fundað með þjóðarleiðtogum og áhrifafólki.

Í heimildamyndinni verður kastljósinu einnig beint að loftslagsbreytingunum og rætt við vísindamenn um þær.

Á vefsíðu BBC er skýrt frá þessu og kemur fram að loftslagsmálin séu líklegast stærsti vandinn sem mannkynið stendur nú frammi fyrir og því sér rétt að gera heimildaþætti þar sem farið er ofan í kjölinn á staðreyndum og vísindalegum gögnum tengdu þessum flókna málaflokki.

Bandaríska sjónvarpsstöðin Hulu er nú að gera heimildamynd um Gretu og er vinnuheiti hennar Greta.