Guðmundur Thor Guðmundsson, rafbílasölumaður á bílasölunni Even hf. til margra ára samkvæmt Linkedin-aðgangi hans, hefur verið ákærður fyrir tvö atvik sem bæði varða meintar árásir hans á lögreglumenn. Rétt er að taka fram að Even fór í þrot fyrir um tveimur árum.

Fyrra atvikið átti sér stað í mars í fyrra en þá er hann hafa sagður hafa tryllst um borð í vél Icelandair. DV greindi frá því atviki á sínum tíma en samkvæmt þeirri frétt brutust út átök um borð í vél á leið til Stokkhólms, fyrir flugtak.

Þurfti að leita aðstoðar lögreglu vegna manns sem var í annarlegu ástandi um borð og lét öllum illum látum. Olli þetta um 30 mínútna seinkun á fluginu en maðurinn var handtekinn og leiddur frá borði. Sá maður var Guðmundur Thor, samkvæmt ákæru. Í ákæru gegn honum er hann sakaður um að hafa slegið lögreglumann, við skyldustörf, hnefahöggi í andlitið í téðri flugvél.

Guðmundur Thor er sakaður um að hafa síðar í sama mánuði reynt að kýla annan lögreglumann, þá á bráðamóttöku Landspítalans í Fossvogi. Hann er enn fremur sakaður um að hafa hrækt á þriðja lögreglumanninn í lögreglubíl á leið frá Landspítalanum á lögreglustöðina við Hverfisgötu. Hrákinn lenti á vinstri vanga.