Átök brutust út um borð í vél Icelandair á morgun á leið til Stokkhólms, fyrir flugtak. Þurfti að leita aðstoðar lögreglu vegna manns sem var í annarlegu ástandi um borð og lét öllum illum látum. Olli þetta um 30 mínútna seinkun á fluginu en maðurinn var handtekinn og leiddur frá borði.
Þetta staðfestir Ásdís Pétursdóttir, upplýsingarfulltrúi Icelandair:
„Ég get staðfest að óskað hafi verið eftir lögreglu til að aðstoða við að koma farþega í annarlegu ástandi frá borði vélar sem var á leið til Stokkhólms í morgun. Viðkomandi var vísað frá borði áður en vélin fór í loftið og olli þetta 30 mínútna seinkun á fluginu.“
Ábending hefur borist frá heimildarmanni DV um að maðurinn hafi slegið lögregluþjón og verið leiddur í járnum út úr flugvélinni. Þetta hefur ekki fengist staðfest.