Hildur Guðnadóttir tónskáld vann Golden Globe-verðlaun í nótt fyrir tónlist sína í kvikmyndinni Joker. Fjölmargir hafa óskað Hildi til hamingju með verðlaunin á samfélagsmiðlum, meðal annars Lilja Alfreðsdóttir, mennta- og menningarmálaráðherra.
„Óska tónskáldinu Hildi Guðnadóttur innilega til hamingju með Golden Globe-verðlaunin fyrir tónlist sína í Jókernum! Þetta er auðvitað stórkostlegt og hún er fyrsta konan til að hljóta verðlaunin ein!! Mikið er þetta glæsilegur árangur!“ Skrifar Lilja.
Leikstjórinn Reynir Lyngdal óskar Hildi til hamingju á Facebook síðu hennar. „Vá vá vá!!! Til hamingju Hildur Vá!“ Skrifar hann.
Edda Björg Eyjólfsdóttir leikkona óskar henni einnig til hamingju á Facebook. „Hjartans hamingjuóskir elsku Hildur. Vá!! Þvílíkt flott, geggjuð tónlist og þú svo ótrúlega magnað tónskáld,“ skrifar hún.
Söngkonan Kristjana Stefáns deilir frétt frá Variety á Facebook og skrifar með: „Svo stórkostlegt og um leið með ólíkindum eftir 77 ár <3 Innilega til hamingju Hildur Guðna.“
Kvikmyndafræðingurinn Sigríður Pétursdóttir óskar einnig Hildi til hamingju á Facebook.
Tónlistarmaðurinn Úlfur Eldjárn bendir á hversu mögnuð verðlaun Hildar eru.
Elísabet Ronalds gerir það einnig. Sögulegur sigur.
Önnur konan til að hljóta verðlaunin! Bravó Hildur 👏👏👏 Óskarinn næstur 🙌🙌🙌 https://t.co/rmMYfSJMHN
— EYDÍS (@EydisEir) January 6, 2020
Rithöfundurinn Villimey Sigurbjörns segist vera stolt af Hildi.
So proud of Hildur Guðnadóttir who won a Golden Globe awards for making the music for The Joker!
I love it when Icelanders are getting known for their craft in the world 😊— Villimey Sigurbjörns (@VillimeyS) January 6, 2020
