Ekkert hefur spurst til Katrinu Bohnenkamp sem var fimmtán ára þegar hún hvarf sporlaust fyrir sjö árum. Katrina var búsett í Sydney í Ástralíu þegar hún hvarf á haustmánuðum 2012.

Í frétt News.com.au kemur fram að Katrina hafi verið mjög virk á Facebook skömmu fyrir hvarfið. Vonast lögregla til að Facebook-síða hennar muni að einhverju leyti varpa ljósi á hvarfið og þá sérstaklega ein tiltekin ljósmynd sem birt hefur verið opinberlega.

Umrædd mynd þar sem Katrina sést kyssa óþekktan ungan hefur vakið athygli lögreglu. Myndin birtist á Facebook-síðunni skömmu fyrir hvarfið en lögregla veit ekki nánari deili á manninum. Var myndin birt í þeirri von að hann gæti mögulega veitt lögreglu upplýsingar um málið.

Lögregla hefur heitið hverjum þeim sem gefur upplýsingar sem leiða til lausn málsins veglega fjárhæð, eða 500 þúsund ástralska dali. Það er upphæð sem jafngildir um 40 milljónum króna.

Katrina átti erfiða æsku og var að mestu í umsjá félagsmálayfirvalda í Ástralíu. Hún er sögð hafa komist í kynni við fíkniefnaneytendur, fíkniefnasala og kynferðisbrotamenn áður en hún hvarf.