Sveinn Aron Guðjohnsen átti frábæra innkomu fyrir Spezia sem vann 2-1 sigur á Pescara í dag.

Sveinn Aron fékk tækifæri í seinni hálfleik þegar staðan var 1-0 og lét svo sannarlega til sín taka.

Framherjinn lagði upp fyrra mark liðsins og skoraði svo það seinna með skalla eftir hornspyrnu.

,,Ég er mjög ánægður með að hafa náð í sigur fyrir liðið. Þar til í dag þá höfðum við ekki náð í þrjú stig,“ sagði Sveinn við Gazetta della Spezia.

,,Við höfum átt meira skilið. Stjórinn kallaði á mig í dag og ég vildi reyna að gera mitt besta og hjálpa liðsfélögunum og nýta tækifærin.“

,,Mér líður vel, leikirnir með U21 landsliðinu hjálpuðu mér að komast í gang. Ég hef lagt hart að mér og beðið eftir tækifærinu, ég er hæstánægður á þessum fallega degi.“

,,Markið? Ég stýrði honum bara yfir línuna eins og ég kann að gera.“