Greiðslumiðlunarfyrirtækið PayPal hefur ákveðið að hætta þátttöku í verkefni sem snýst um að þróa og markaðssetja nýja rafmynt Facebook en hún hefur fengið heitið Libra. PayPal tilkynnti þetta á föstudaginn en skýrði ekki frá ástæðum þessarar ákvörðunar.
Facebook kynnti Libra til sögunnar í júní. Yfirvöld í mörgum ríkjum hafa gagnrýnt Libra og frönsk og þýsk yfirvöld hafa heitið að banna Libra á Facebook.
Í yfirlýsingu PayPal segir að fyrirtækið styðji Libra en hafi ákveðið að einblína á eigin kjarnarekstur. 28 fyrirtæki komu upprunalega að Libra, þar á meðal Visa, Uber og góðgerðarsamtökin Mercy Corps.
