Paco Alcacer, leikmaður Dortmund, mun spila við sitt fyrrum félag Barcelona í Meistaradeildinni.
Alcacer náði sér aldrei á strik hjá Barcelona en hann fékk þó takmarkað magn af tækifærum.
Hann segir að fólk hafi komið illa fram við sig á Nou Camp en nefnir þó engin nöfn.
,,Ég ákveð hvort ég muni fagna þegar kemur að því,“ sagði Alcacer í samtali við SER Catalunya.
,,Ég ber virðingu fyrir mörgum þarna. Það voru margir sem komu vel fram við mig en aðrir sem komu hörmulega fram. Stuðningsmenn og liðsfélagar sýndu mér ást.“
,,Eins og annars staðar þá ef þú finnur fyrir trausti þá gerirðu þitt besta, ef ekki þá gerirðu það ekki.“
,,Það er mikilvægt fyrir mig að finna fyrir trausti en þarna þá fékk ég ekki þá tilfinningu.“
