Dr. Football, Hjörvar Hafliðason greindi frá því í þætti sínum í dag að Óli Stefán Flóventsson, þjálfari KA væri að sækja gamla vini frá Grindavík til félagsins.
Hjörvar sagði frá því að Rodrigo Gomes Mateo, varnarsinnaður miðjumaður Grindavíkur væri að ganga í raðir KA.
Óli Stefán hætti með Grindavík fyrir rúmu ári til að taka við KA, hann ætlar að sækja í gamla vini til að reyna að bæta árangur KA. Rodrigo lék einnig fyrir Óla Stefán hjá Sindra.
Þá sagði Hjörvar einnig frá því að Milan Stefán Jankovic væri að koma og verða aðstoðarmaður, Óla Stefáns. Jankovic var aðstoðarmaður Óla Stefáns í Grindavík og hefur starfað hjá Keflavík í ár
Dr. Football þátt dagsins má heyra hér að neðan.
