Þrátt fyrir að þær séu litlar og láti ekki mikið yfir sér þá eru margir sem hata þær eins og pestina og þá sérstaklega ef þær tilheyra öðrum en þeim sjálfum. Hér er verið að ræða um tær, þær eru ekki allra. Sérstaklega ekki þegar fólk er í flugvélum.

British Airways kannaði 2017 meðal farþega sinna hvernig þeir töldu að fólk ætti að hegða sér í flugvélum. 1.500 farþegar voru spurðir. Þeir voru nær allir sammála um að fólk ætti að halda fótum sínum í sokkunum um borð í flugvélum. 87 prósent þeirra sögðu að það væri algjörlega „bannað“ að flagga tánum.

En það eru ekki allir sem láta þetta aftra sér frá að viðra tærnar um borð í flugvélum. Þetta veit Jessie Char því hún upplifði þetta á eigin skinni þegar hún flaug frá Long Beach til San Francisco.

„Ég flaug heim til San Francisco og var mjög ánægð þegar ég uppgötvaði að ég hefði alla sætaröðina útaf fyrir mig. Nokkrum mínútum síðar heyrði ég sætisarm detta niður. Ég kíkti og hélt að skrúfa hefði losnað en sá þá fót koma í ljós.“

Sagði hún í samtali við NBC.

Today, I flew on the set of a nightmare. pic.twitter.com/PNI4KmQvTG

— Jessie Char (@jessiechar) July 19, 2017