Birta Abiba var kjörin Miss Universe Iceland um síðustu helgi, en Birta varð tvítug daginn eftir að hún var krýnd við hátíðlega athöfn í Hljómahöllinni í Keflavík. Nú bíður Birtu mikið verkefni þar sem hún verður fulltrúi Íslands í fegurðarsamkeppnum á erlendri grundu. Birta er atorkumikil, ung kona og á ekki langt að sækja það, því föðurafi hennar er Jóhann Karl Sigurðsson. Jóhann Karl státar af glæsilegum ferli í atvinnulífi og samtökum, en hann er fyrrverandi framkvæmdastjóri Dags á Akureyri, fyrrverandi sviðsstjóri hjá Efnamóttökunni, sat í stjórn Félags ungra Framsóknarmanna og Framsóknarfélags Akureyrar og var í stjórn handknattleiksdeildar Knattspyrnufélags Akureyrar.