Sigmundur Davíð Gunnlaugsson, formaður Miðflokksins, slær á létta strengi á Facebook í dag og deilir þar mynd sem hann fékk senda frá eiginkonu sinni, Önnu Sigurlaugu Pálsdóttur. Hún er stödd í Póllandi og rak upp stór augu þegar hún fór á listasafn í Kraká.

„Frúin fór á listasafn í Kraká og sá ástæðu til að senda mér mynd af Sigmundi I, konungi Póllands og hertoga af Litháen. Þrátt fyrir unglegt yfirbragð var hann kallaður Sigmundur I gamli. Væntanlega því hann var kóngur svo lengi.“

Lesendum er látið eftir að meta hvers vegna Önnu þótti myndin eiga erindi við Sigmund.