Bandarísk heilbrigðisyfirvöld eru nú að rannsaka um 100 tilfelli dularfullra lungnaveikinda en þau eru talin tengjast notkun rafretta. Veikindin hafa komið upp í 14 ríkjum. Margir þeirra sem hafa veikst eru unglingar og ungt fólk. Margir hafa verið lagðir inn á sjúkrahús, sumir á gjörgæsludeildir og hafa þurft að vera í öndunarvélum.

Heilbrigðisyfirvöld segja óvíst hvort fólkið muni ná sér að fullu. Heilbrigðisstarfsfólki hefur verið fyrirskipað að vera á varðbergi vegna alvarlegra og hugsanlegra hættulegra skaða á lungum. Meðal einkenna eru öndunarörðugleikar og brjóstverkir. Einnig hafa sjúklingar kvartað undan hita, hósta, uppköstum og niðurgangi.

Bandaríska smistjúkdómastofnunin CDC segir að embættismenn frá stofuninni vinni nú með heilbrigðisyfirvöldum í fimm ríkjum við að rannsaka málið. Það eru yfirvöld í Kaliforníu, Illinois, Indiana, Minnesota og Wisconsin.

Embættismenn segja að þrátt fyrir að málin virðist svipuð þá viti þeir ekki hvort veikindin eru tilkomin vegna rafrettnanna sjálfra (það er búnaðarins) eða innihalds efnanna sem eru sett í retturnar. Sjúklingar hafa sagt að þeir hafi reykt ýmis efni, þar á meðal nikótín, maríjúanavörur og heimagerðar blöndur.