Mikið hefur verið um þjófnað á reiðhjólum á höfuðborgarsvæðinu að undanförnu. Þetta kemur fram á Facebook síðu Lögreglunnar á höfuðborgarsvæðinu.

Þar er sagt að ekki sé nóg að læsa bara hjólunum þar sem þjófarnir eru ansi bíræfnir og stela líka hjólum sem eru læst með lásum og keðjum.

Til að tryggja það að reiðhjólin fái að vera í friði fyrir óprúttnum aðilum er því best að geyma þau innandyra.

Það má áætla að þjófarnir reyni að selja stolnu hjólin. Lögreglan segir það því mikilvægt að fólk tilkynni það ef grunur liggur á að hjól sem er til sölu sé illa fengið.

Upplýsingar um reiðhjól sem eru í óskilum hjá lögreglu má sjá hér fyrir neðan.

https://www.pinterest.com/logreglan/fundin-rei%C3%B0hj%C3%B3l-og-vespur/