Leik- og söngkonan Abigail Breslin (20) hefur í fyrsta skipti tjáð sig opinberlega um kynferðisofbeldi sem hún varð fyrir.

Margir muna eftir Breslin í hlutverki Olive í kvikmyndinni Little Miss Sunhine sem kom út árið 2006 en hún var tilnefnd til Óskarsverðlauna fyrir leik sinn, aðeins 10 ára gömul. Ferill hennar hófst þegar hún var aðeins þriggja ára og lék í sinni fyrstu auglýsingu áður en hún lék í sinni fyrstu Hollywood-kvikmynd, Signs, árið 2002 fimm ára gömul.

Breslin tjáði sig á Instagram í síðustu viku um ofbeldi sem hún varð fyrir. Birti hún skilgreiningu á orðinu samþykki þar sem segir:

Barnastjarna Margir muna eftir Abigail Breslin í hlutverki Olive í myndinni Little Miss Sunshine.

Mynd: EPA

„Þér ber engin skylda til að eiga mök við einhvern sem þú ert í sambandi með. Samband er ekki samþykki, hjónaband er ekki samþykki.“

Með myndinni skrifaði Abigail: „Ég þekkti árásarmanninn“ með myllumerkinu (e. hashtag) um nauðsyn þess að rjúfa þögnina: #SexualAssaultAwarenessMonth og #BreakTheSilence

Breslin sem leika mun aðalhlutverkið í endurgerð ABC á Dirty Dancing fékk mikil viðbrögð við færslunni og fjölmargir fylgjendur sem deildu eigin reynslu af kynferðisofbeldi. Hún tjáði sig síðar á Twitter þar sem hún kvaðst afar þakklát fyrir stuðninginn sem hún hefði fengið við myndinni.

i knew my assailant. #SexualAssaultAwarenessMonth #breakthesilence

A post shared by Abigail Breslin (@abbienormal9) on Apr 10, 2017 at 10:47pm PDT

//platform.instagram.com/en_US/embeds.js