Hæstiréttur Bandaríkjanna hefur hafnað því að taka fyrir mál er varðar alríkislög er banna notkun hljóðdeyfa á skotvopn. Tímasetningin er væntanlega tilviljun en er að engu síður aðeins nokkrum dögum eftir að byssumaður notaði hljóðdeyfi á skotvopn sín þegar hann myrti 12 manns á fyrrum vinnustað sínum í Virginíu.

Tveir menn frá Kansas voru sakfelldir fyrir að hafa verið með hljóðdeyfa á skotvopnum sínum. Þeir héldu því fram að bannið bryti gegn stjórnarskrárvörðum rétti þeirra til að „eiga og bera vopn“ þar á meðal hljóðdeyfa.

Yfirvöld í Kansas, Arkansas, Idaho, Louisiana, Montana, Suður-Karólínu, Texas og Utah stóðu saman að því að skjóta málinu til Hæstaréttar. Ríkisstjórn Donald Trump hafði beðið Hæstarétt um að hafna því að taka málið fyrir og láta dóminn standa óhaggaðan.