David Beckham, fyrrum leikmaður Manchester United, vill alls ekki sjá Liverpool vinna Meistaradeildina í júní.
Það er mikill rígur á milli United og Liverpool og vona flestir stuðningsmenn þess fyrrnefnda að Tottenham hafi betur.
Leikurinn fer fram þann 1. júní næstkomandi og má búast við virkilega góðum leik á milli tveggja góðra liða.
Beckham ákvað að kíkja á æfingasvæði Tottenham í dag þar sem hann ræddi við leikmenn liðsins.
Beckham gaf nokkrum stjörnum Tottenham góð ráð en hann var frábær knattspyrnumaður á sínum tíma.
Hér má sjá myndir af Beckham á æfingunni.
