Sjónvarpsmaðurinn Sindri Sindrason svaraði hraustlega fyrir sig í viðtali sem hann tók við Töru Margréti Vilhjálmsdóttur í gær, og vakið hefur mikla athygli á samfélagsmiðlum. Í viðtalinu ræddi Tara, sem er formaður Samtaka um líkamsvirðingu, um grasrótarhátíðina Truflandi tilvist, sem haldin var um helgina.

Á þeirri hátíð var lögð áhersla á að skoða hvað ýmsir minnihlutahópar í samfélagin, svo sem hinsegin fólk, fatlað fólk, feitt fólk og fólk af erlendum uppruna eigi sameiginlegt og hvernig þessir hópar geti unnið saman.

Sindri og Tara ræddu um fórdóma í beinni útsendingu á Stöð 2 í gær. Sindri spurði eitthvað á þá leið hvort fordómarnir byggju ekki innra með okkur, frekar en að einn hópur fólks væri á móti öðrum.

Tara: „Þetta er í raun talað úr munni einhvers sem er í forréttindastöðu. Þú þarft í raun og veru að hafa upplifað það að vera í jaðarhópi; upplifað fordómana í raun og veru til að skilja þetta…“

Sindri: „Ertu þá að meina að ég hafi verið í…

Tara: „Eeh, já.“

Sindri: „Veistu hvað ég er í mörgum minnihlutahópum? Ég er hommi, ég á litað barn, það er ættleitt, ég er fyrsti samkynhneigði maðurinn til að ættleiða á Íslandi, ég er giftur útlendingi – eða hálfum útlendingi – þannig að við skulum ekki fara þangað.“

Myndbandið má sjá hér að neðan. Umrætt myndbrot hefst eftir rúmar sjö mínútur.