Leikkonan Melissa Joan Hart drekkur MCT olíu á hverjum einasta degi og bætir olíunni meðal annars í teið sem hún drekkur á degi hverjum. Hún þakkar olíunni fyrir ýmislegt, þar á meðal þyngdartap.

„Ég léttist smá strax, bara um nokkur kíló, en ég bætti þeim ekki á mig aftur,“ segir Melissa í samtali við People og bætir við að olían minnki löngun hennar í mat.

MCT olía er vel þekkt meðal þeirra sem eru á ketó-mataræðinu og er vinsælt að bæta henni við morgunkaffið. MCT olía finnst í kókosolíu, pálmaolíu og smjöri, en einnig er hægt að kaupa hana sérstaklega í vökvaformi.

Þó Melissa elski olíuna er hún samt ekki á ketó-mataræðinu. Hún missti áhuga á því þegar að læknir hvatti einn vin hennar til að hætta á mataræðinu.