Hér er uppskrift að taílenskri hnetusósu sem passar með gjörsamlega öllu – hvort sem rétturinn er heitur eða kaldur. Ekki skemmir svo fyrir að sósan er vegan, laus við mjólkurvörur og glútenfrí.
Hráefni:
1 bolli hnetusmjör
4 hvítlauksgeirar, smátt saxaðir
2 msk. rautt „curry paste“
1/2 bolli kókosmjólk
1 bolli vatn
1/2 bolli basil, ferskt, saxað
salt og pipar eftir smekk
Aðferð:
Blandið hnetusmjöri, hvítlauk, „curry paste“, mjólk, vatni og helmingnum af basil saman í skál. Kryddið með salti og pipar og blandið vel saman. Skreytið með restinni af basil. Geymið í lofttæmdum umbúðum.
